Bang Wiskul series – Manusie Berencane, Tuhan Nyang Nentuin

Waktu entu Bang Wiskul emang kepanasan banget, secara matahari pas di bun-bunan, buru2 bang wiskul markir bajajnye dipinggiran depan halte pertigaan deket ujung jl asem baris di daerah kebon baru tebet, nyang simpangan jl mt haryono. Sambil ngaso didalem pos polisi nyang kosong, secara masih lebaran, tanggal 3 syawal, bo… om polkis belon ade nyang tugas disono!bang wiskul 3_upload
Adem juga di dalem pos polisi ini kate hati bang Wiskul sambil ngelap mukenye nyang keringetan ame handuk yg nempel dipundaknye, doi jadi inget ngobrolan tadi malem ame Rojak yg setia nemenin di pos ronda ujung gang rmh mereka.
POS RONDA BENDERA
Bang Wiskul: “Jak..elu lebaran ini sempet kagak inget2 tentang kehidupan manusia?”
Rojak: “Wouw..bang..ade ape lagi nech..nanyanye kayak borju ajeh nech..”
BW: “Iye Jak..gue kadang2 suka keingetan kayak gitu.”
R: “Emang nape Bang?”
BW: “Elu tau kagak..manusie bisenye cuman ngerencanain doang, tapi emang Tuhan juga nyang nentuin..”
R: “Deeeeuuu…Bang Wiskul kebanyakan mengkhayal kayaknye nech!”
BW: “Kagak Jak, elu perhatiin bener2 deh..kagak usah jauh2..disekitaran lebaran sekarang ajeh nii. Tetangge kite si Mamat, baru ajeh pas lebaran kite silaturrahim, pan keluarga die ame emaknye hepi2 ajeh di rumahnye..eeeh kagak taunye sekarang emaknye masuk rumeh sakit. Terus, nyang pade mudik, sodare2 kite..pas lebaran pade hepi2 di kampungnye…tau2nye pulang mudik ade nyang kecelakaan, ade nyang rumahnye kebakaran, siape nyang tau! Kalo ente mau berite nyang lebih gedean lagi..baru ajeh ketua kpk ditangkep..eeeh wakil2nye kpk ditangkep juga ame pak polisi. Entu Om nye sodare elu si Udin, pan..kite ketemu pas sholat ied di attahiriyah kp melayu…dipapah ame Udin karena sakit tuir…naaa kemaren kite ketemu di ujung gang…doi sehat2 ajeh jalan sendiri, khan. Banyak lagi contoh laennye..sampe kite pade kesimpulan, manusie cuman bisa berencane, Tuhan juga nyang nentuin…begetooh Jak. Kemaren hepi, sekarang bisa kena musibah. Sekarang gumbira, besok mane tau kite…”
R: “Ooooh…gitu Bang…kirain ade ape..ane sech setuju ajeh ape nyang Bang Wiskul bilang..mangkenye kite kudu selalu inget2 dah ame Tuhan…iye khan Bang?”
BW: “Yo’i Jak..”
R: “Terus ape lagi nech Bang Wiskul..?”
BW: “Terus…enggg…ape ye…”
Tiba-tiba ade nyang nepok pundak Bang Wiskul, doi kaget krn lamunan buyar sambil noleh.. eeeh kagak taunye ade ibu2 nyang pengen dianterin pake bajajnye. bajaj1Biar kate lamunan Bang Wiskul buyar, tapi soal ada rejeki dateng, Bang Wiskul bisa buru2 fokus nyetarter bajajnye buat nganterin tuh ibu..sampe bang Wiskul lupa tadi nanya, ibu itu mau minta dianter kemane yee… hehehe…

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: