Bakso, Mie Ayam Putra Solo Mas Heru

Judul nyang sama entu nyang nongol di spanduk pas di depan rumah makan bakso solo tadi. Buat ukuran sekota kecil entu, mah… kagak ade tandingannye dari rase gurih ame ngepas bumbunye. Baek kuah baksonye atawa kuah bakminye nyang dicampur kuah kentel daging ayam kecoklat-coklatan.. hmmm… yummy dahhh…
Ceritenye pade kunjungan ane nyang pertama di tahun 2010 ini, ternyate nyang punye usahe ini nge-renovasi bagian dalem ruangannye ame bagian luar gedungnye.
Interior ruangannye diubah kecil2an dengan ngeganti lampunye, dari neon jadi model lampu SL bohlam nyang bersinar kayak lampu neon. Cat temboknye juga dibikin baru dengan pilihan warne nyang lebih muda.
Ternyata cukup ame ngeganti lampu en cat tembok doang, efek pencahayaan ngebikin ruangannye kayak tambah luas en lega. Jadi lebih suegerrr terang benderang… *agak lebay niy..*
Udeh gitu tekstur bakso, bakmi ame kuah kentel daging ayamnye jadi lebih detil ngeliatnye. Jadi nambah selera! *..slrppp..*
Kalo bagian eksternal atawa luar gedung, cukup dicat baru ame warna ‘trademark’ doi, kekuning2an. Lumayan agak cerah juga ngeliatnye dibanding sebelon renov nyang berkesan temaram .. *kelam malam muram suram… sotoy hehe*
Secara ini bakso putra solo punya sejarah nyang panjang, sepengetahuan ane. Misalnye, udeh dua kali ngalamin musibah kebakaran. Dua2nye sumber api bukan dari bakso putra solo. Nyang pertame dari bangunan sebelahnye. Nyang kedua dari rumah dibelakangnye. Yah.. namanye juga musibah khan, mas.
Nyang perlu kite pelajarin, pegimane nyang punye usahe bangkit en termotivasi dari waktu ke waktu. Mantap dah.
Tadi udeh disebutin nama ini rumah makan kayak yang ada di spanduknye: bakso, bakmi ayam putra solo mas heru. Nyang punya emang berasal dari Solo. Sementara, nama Heru entu nama anak sulungnye nyang punya ‘warung’ atawa ‘gedung’ bakso ini. Kalo nyang punya namanye Mas Yanto. Si Heru nye sendiri sekarang udeh di ‘ekspor’ ke mbahnye di jawa, maksudnye di Solo buat sekolah SMA.
Pade awalnye, ini rumah makan bakso emang berbentuk warung kecil. Tempatnye bukan dipinggir jalan nyang sekarang. Melainkan, dipinggir jalan juga, kire2 2,5 km dari tempat sekarang ini nyang dijadiin pusat en dibelakang ada rumah agak mewahnye. Bahkan kalo boleh dibilang, warungnye pertama dulu tuh berdinding kayu (papan) temporary gitu.
Tapi nyang mampir makan bakso si mas heru ini.. *eits.. mas yanto, dhénk*.. lumayan orang2 nyang pake mobil atawa motor. Termasuk mobil2 kantor, mobil2 perusahaan. Pernah juga ane ngeliat ada segerombolan ibu2 direksi suatu perusahaan gede, abis maen golf, mampir ke warung baksonye mas heru ini.
Dulu warung ini taunye orang namenye ‘bakso solo’ doang. Belon ada saingan. Emang si mas yanto cuman ngejual bakso doang! Ane masih ingat, mas yanto nyang ngeracik en nyang tuang kuah bakso, asistennye cuman 2 orang. Bininye ngegendong si Heru pake gendongan kain batik dilipet.
Lama kelamaan, doi bisa memperluas warungnye sambil ngebikin full tembok bangunan warung. Trus, doi buka cabang lagi dengan tanah en bangunan baru hasil kerja keras doi. Justu gedung kedua ini sekarang dijadiin ‘basis’ bakso putra solo en ada rumah doi juga dibelakang rumah makannye. Bangkunye diganti dari model kursi kayu panjang.. *jadul..* jadinye sekarang pake bangku plasik pake senderan.
Asistennye (pengganti kata “pelayan”) semakin banyak. Kayaknye semua orang Solo, sampe ke tukang parkirnye orang Jawa juga. Mas Yanto ame bokinnye cuman ngawasin doang. Jadi supervisi ajeh kayaknye.
Naaa.. sekarang tentang racikannye. Mas Yanto ngebikin sendiri mie ame baksonye. “Efek” nye, mie nye jadi lembut2 kenyal enak gitu. Warna kuning mie nye juga jadi seger en enak dipandang. Baksonye juga 2 macam, istilahnye ada kasar, ada halus. Kedua2nye ‘juara’ banget enaknye. Bumbunye atawa kuahnye juga “nge-pas” banget. Bisa ditambah saos tomat, atau tambahin sambel, atau dikecrotin dikit jeruk nipis. Bisa pake kecap manis ato asin. Semuenye disediain ame mas yanto di tiap meja.
Kembali lagi *bukan ke laptop, tapi ke..* cerita motivasi mas yanto, terutame waktu doi bangkit dari keterpurukan gare2 2 kali kena musibah kebakaran. Apelagi sekarang ini udeh banyak bertumbuhan saingannye, juga pake embel2 “solo”. Misalnye ada bakso mitra solo mas pungky. Ada lagi bakso solo putra mas hanum, ame lain-lain lagi dah.
Kalo ane perhatiin, mas yanto berape taon terakhir nyoba nge-branding ame differentiation. Misalnye menu doi tambahin ada bakmi ayam nyang dicampur kuah bistik daging ayam. Sisi harga juga, doi kagak mau ditinggi-tinggiin, proporsional ajeh. Kualitas mie ame bakso nye, doi ngejaga banget.
Kalo mau diurut detil, mungkin masih banyak lagi pelajaran marketing en branding nyang bisa diambil dari pengalaman mas yanto. Orang solo perantauan.
Okay, sukses Mas!

3 Tanggapan so far »

  1. 1

    the riza de kasela said,

    no photo = HOAX

  2. 2

    Gadis said,

    Bang Wiskul, saya monitor terus dari:
    http://gadis7.multiply.com
    Salam, GADIS.

  3. 3

    Yanto said,

    Bang, name boleh sama, tapi lokasi pan boleh beda, yah.


Comment RSS

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: