Kuliner Blok-S, Ade Namnung dan Farah Quinn

courtesy Vivanews.Com

Pade suatu hari, Bang Wiskul memarkir bajajnye di sekitar lapangan bola Blok S. Kagak terase bertaon-taon niy lapangan bola suasananye udeh berubah wujud. Lapangan bolanye tetep sejak taon 70 an. Jenis kuliner nyang nangkring di sekitarnye nyang berubah-ubah wujud. Secara tahun 70 an bisa jadi Neng Farah Quinn belon lahir atawa masih “piyek” ngkali… entu tuh, nyang jadi trend kuliner di tv sekarang ini, chef masakan nyang suka bilang “hmmmm…it’s so yummmyyy!!”… sekaligus digandrungi para pejantan gara-gara ini cewek botoh banget, seksi, moleg, singset, masih muda, jago masak, ramah en baik hati… **wah…wah mulai lebay lagi nech**

es podeng blok-s

.
Di awal-awal taon 70 an, ini lapangan jadi tempat permainan anak-anak sekolahan di sekitar Warung Buncit, Mampang Prapatan, Jalan Wijaya, Kramat Pela, pokoknye Kebayoran bagian Selatan dan sekitarnye dah. Waktu itu lapangan bola ini perubahan wujud dari taman nyang kagak keurus ame pemerintah DKI Jaya.
Bang Wiskul masih inget, mulai separo akhir taon 70 an, di sekitar lapangan bola ini udeh ade pedagang kaki lima nyang nongkrong buat jualan kuliner. Misalnye kayak bakso bang kumis, trus ade juga nyang jualan sebangse es mambo tapi dalam bentuk es serut nyang dinamain jadi es doger.

suasana blok-s siang & malam

Bang Kumis nyang jualan bakso terutama ramenye di malem hari. Karena emang doi bukanye di malem hari. Dipanggil bang kumis soalnye nyang punya kumisnye baplang banget. Sebenernye doi orang jawa, tapi kadung dipanggil ame customer nye nyang sebagian anak muda jakarta dengan panggilan “bang”. Bang Kumis juga nyediain somay dalam berbagai varian nye.
Kalo malem minggu, ramenye ampun-ampun! Khususnye di awal taon 80 an. Tempat ini jadi saingan tempat nongkrong malam mingguan anak ABG di Menteng Jakarta Pusat dan di Melawai Blok M. Trend waktu itu siy, kalo yang nongkrong anak orang kaya, pake mobil ato bisa juga pake motor jadul, mereka makannye di dalam mobil atawa disekitaran mobil en motornye, trus nyetel lagunye sekenceng-kencengnye dah. Lagu disco waktu entu kayak lagunye Michael Jackson, Kool & The Gang, Eart Wind n Fire en laen-laennye.

menu blok-s

Secara waktu itu baru dibuka diskotik “noceng it” atawa Discotheque 2001 di sekitar Blok M. Jadi sebelon ajojing di lante disko, entu anak-anak pade ngisi perut dulu di bakso bang kumis. Sekadar info ajeh, waktu itu nyang berbau “kumis-kumis” an masih belon ade. Kayak soto bang kumis, gado-gado mas kumis, sate kang kumis, belon ada ato belon musim di sekitar area bencong taman lawang menteng.
Semenjak akhir-akhir taon 80 an, apelagi ada rumah sakit klinik nyang dibuka di pojokan jalan sekitar lapangan Blok S, kuliner nyang dijajakan para pedagang kaki lima mulai beragam. Sebagian mulai ngebuka warung semi permanen nyang berdiri di tanah-tanah kosong sekitaran lapangan Blok S. “Work hours” nye juga udeh dari pagi sampe malem hari. Bang Kumis kharismanye udeh mulai surut, tapi “jawara” baru di bidang kuliner anak muda mulai bermunculan.
Ditrotoar pojok lapangan Blok S pas di depan rumah sakit, mulai terkenal sate ayam, bakso en siomaynye. Nyang jual si mas-mas anak muda madura. Selaen itu es doger juga mulai punya pesaing, area jualan es mulai didominasi mas-mas nyang jualan es podeng. Es podeng sebenernye varian terbaru dari es tung-tung tradisional nyang biasa dijajakan keliling kampung ato gang oleh abang-abang si penjajanye dengan gerobak dorong mininye sambil ngebunyiin gong mini dipukul-pukul, bunyinye… tung..tung..tung.. mangkenye dipanggil es tung-tung.

pizza boutique blok-s

Sepanjang taon 90 an, area blok S jadi resmi area warung-warung nyang jualan kuliner beraneka ragam. Segala macem juga ade. Nasi uduk, soto betawi, bakso, siomay, es campur, es doger, es podeng, sate madura, sate kambing, nasi goreng kambing, aneka steak murah meriah, dan macem-macem lagi.
Mulai taon 2000 an, seleksi alam berlaku juga di area wisata kuliner Blok S. Nyang kagak laku ato nyang bukan menjadi makanan trend anak muda jakarta, perlahan-perlahan mulai menyingkir dari kancah arena. Nyang masih tersisa kuliner dari jenis “abadi sepanjang masa” kayak bakso, siomay, sate en sebangsenye ajeh. Kalo es doger, ame si mas nyang jualan udeh disedian dengan alternatif es cendol, es podeng, es campur, es shang hai, nyang dijual umunye dalam satu warung sekaligus.
Tulisan ini terinspirasi waktu Bang Wiskul ngeliat acara di tv, wisata kuliner bersama Ade Namnung dari grup tawa sutra An Teve nyang ditayangin hari Minggu pagi 7 Februari 2010 jam 9.00 sampe sekitar jam 10.00 WIB nyang ngubeg-ngubeg area di sekitar lapangan bola Blok S.
Demikian, friend.

1 Response so far »

  1. 1

    Naip said,

    Deeeuuu…bang wiskul pake bawa-bawa farah quinn segale. Pan emang kedoyanan qte bedua yeh. Hehehe… !
    Okay, bro.
    http://naive7.wordpress.com


Comment RSS

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: