Itik Panggang Tanpa Tulang di Banjarmasin dan Farah Quinn

Siang entu baru ajeh selesai rintik-rintik hujan di daerah Benhil ‘Bendungan Hilir.’ Bang Wiskul ada kesempatan nonton tv di salah satu apotik di Benhil. Acaranye kagak laen tentang kuliner. Di Trans TV lagi ditayangin acara wisata kuliner seabis berita siang. Reporter cewek nyang jadi presenter bilang kalo doi lagi berwisata di Banjarmasin ibukota Kalimantan Selatan.

itik panggang alabio kalsel

Salah satu nyang diceritain pengalaman nyobain menu Itik Panggang “alabiu” Tanpa Tulang di salah satu rumah makan top di Banjarmasin.Tayangannye Trans TV hari Rabu 3 Februari 2010 sekitar jam 12.30 Wib.

Hubungan ame Neng Farah Quinn apa? Entu siy cuman angan-angan Bang Wiskul ajeh. Kapan ye si neng nyang punya julukan sexy chef entu bisa bikin tayangan nyang rada sama, tentang bikin itik panggang. Apelagi Farah Quinn nyang botoh, moleg, singset, bohay, montok entu emang jago dibidang kuliner nyang praktis.
Kembali lagi ke tayangan tv, si cewek presenter diterangin ame nyang punye rumah makan bapak-bapak. Daging itik direbus dulu sebelum nantinye dipanggang pake kayu arang. Tujuannye direbus supaya dagingnya empuk en gurih aromanye. Kalau daging itik udeh setengah masak, daging itik diambil dulu dari kuali rebusan, trus dipotong/diambil tulang belulangnye. Dikasih bumbu penghilang bau amis daging itik. Bumbunye: gula merah ame gula pasir diaduk ame air secukupnye. Seudehnye, daging itik direbus lagi sampe full masak. Proses ngerebus kira-kira antara 1 – 1,5 jam.
Selesai direbus, daging itik di panggang pake kayu areng sampe ngeluarin aroma daging panggang nyang harum. Hidangan itik panggang dimakan pake bumbu kuah kentel. Bumbu kuah terdiri dari irisan cabe gede merah, irisan bawang putih, bawang merah, gula merah, gula pasir. Daging itik entu kalo dimakan panas-panas… hmmmmm….. kagak tau lagi dah yummmyyy nye.

Itik Panggang

Kilas balik: nyang punya warung makan juga ngasih tau sekitaran itik nyang dipanggang diceritain ke cewek reporter Trans TV. Daging itik yang disiapin adalah itik dari hasil kawin silang nyokab bokapnye. Daging diambil dari itik nyang berumur 4 bulan. Kawin silang nyang jantan bebek enthog, nyang betina itik alabiu Kalsel. Itik dari kawin silang ini merupakan perpaduan dagingnya tebal, kulitnya tipis. Pakan ternak itik piaraannye nyang punya juga menjadi perhatian khusus. Sedangkan ciri-ciri itik umur 4 bulan, sayapnya udah rata, rapi, rapet, teratur bulu-bulunye kalau dikembangin.
Demikian friends.

6 Tanggapan so far »

  1. 1

    I Made Sarwita said,

    aye pengusaha rumah makan BALI LESEHAN, sementara baru bisa menyajikan bebek presto (bebek empuk) moga aje ntar bisa nyajiin bebek tanpa tulang, agar kite-kite nyang tinggal di Bali ga mesti jauh2 ke banjarmasin untuk ngersaiin nikmatnya bebek tanpa tulang

  2. 2

    rere said,

    Dear bang Wiskul,
    Ane lagi ngidam berat nih ama nyang namenye itik panggang khas banjarmasin ini. fyi itik panggang ini nih enaknye diembat (halah…) ame acar timun atau sop suun/bihun. ade juge nyang ga dilepas tulangnye same aje kok enaknye. kalo selera ane sih malah nyang kulitnya/lemaknya tebel, hmmm mancap!

  3. 3

    wiskul said,

    buat si Biru… terima kasih udeh ngasih tanggapan… sayangnye aye cuman ngelaporin nyang aye liat waktu entu di tivi… kalo ente mau nge franchise entu itik panggang nyang di banjarmasin… bisa ente langsung kontak ame trans tv… supaya bisa berhubungan ame nyang punye warung di banjarmasin – kalsel. anyway, thanks ya. aye udeh berkunjung ke blog ente di birulaut26, nice blog ya. kalo boleh kite tukeran link nyok… yukk…

  4. 4

    Biru said,

    bisa buka cabang di Tasikmalaya Jawa Barat ga? jadi kaya waralaba gitu.. saya mau jadi pengelolanya.. :))

  5. 5

    andi hasan said,

    Nice blog, bang.
    Salam dr tetangge, andi hasan, di
    http://jjm777.multiply.com

  6. 6

    Gadis said,

    Ada farah quinn dihubung2kan ama itik panggang…hehehehe…
    Salam dari Gadis, bang.
    http://gadis7.multiply.com


Comment RSS

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: