Day 6 – Pasar Romadhon Jl. Kramat Raya

Senin, 16 Agustus 2010 berarti udeh romadhon hari ke 6 nech. Abang kita nyang ganteng…. deeeuuu… siape lagi kalo bukan Bang Wiskul… ehm!? Doi barusan markir bajajnye ditengah hiruk pikuk hilir mudik ngetan ngulon… hwaduhlah..!! di daerah stasiun gambir. Bulan puase orang” rame silih berganti ada nyang berangkat ada nyang datang di stasiun tengah kota ini.

psr rmdn kramat raya courtesy make-smartDOTblogspotDOTcom

Tapi nyang jadi perhatian bang wiskul sebenernye pojok” kota nyang jadi pasar kaget buat jualan takjil buka puase. Khususnye di daerah pinggir jalan kramat raya nyang kalo malem bukan bulan puase jadi tempat mangkal orang jualan lemang ketan. Ketan dikasih bumbu sedap nyang dibakar didalem buluh bambu.
Emang bener kata pak tejo ketua rt nyang juga tetangge bang wiskul, belanje takjil di pasar ramadhan, gampang-gampang syusyeh. Kalo kita mampir bisa” jadi kalap ngeliat aneka makanan nyang ditawarin. Ada serabi berkuah, lumpia anget, tempe mendoan, kue lapis, dadar gulung, es buah, cendol, lamang tapai hingga bubur kampiun nyang legit!!! …hmmm. Sederetan lauk matengnya juga menggoda. Gulai Itiak Gulai tambusu, ikan bakar, ayam goreng kremes, pesmol ikan, pepes ikan mas sampe gudeg khas Yogya masih anget berkepul”!
Urusan buka puase emang gampang-gampang syusyeh. Kayak dipangkalan bajaj bang wiskul di daerah gelael jalan tebet raya nyang udeh ada jualan takjil nye juga, tapi sech rasenye bosen en kagak afdol kalo ‘buka’ disono melulu. Sekali” bang wiskul pengen juga hunting ke pasar ramadhan di Pasar Kaget Minang nyang ada di Jl. Kramat Raya, deket jembatan layang. Dari kejauhan pasar kaget ini udeh keliatan sebab ada tumpukan potongan bambu berisi lamang nyang selalu ada di tiap pedagang makanan.

psr rmdn kramat raya courtesy okefoodDOTcom

Emang sech ampir seluruh pedagang di daerah ini ngejual makanan khas Minang. Ada yang ngejajain di meja kumplit pake tenda, tapi ada juga yang dijajain dalem bentuk warung. Makanan dipajang di meja panjang, en para pengunjung bisa makan di tempat. Kayak warung Uni Upik en nasi kapau Sabhana Jaya nyang udeh kesohor dari dulu di kawasan Senen. Trus terang warung nyang jenis ini lebih bersih sebab posisinye rada jauh dari jalan raya jadi kagak ‘mandi debu’ banget gitu.
Teriakan para pedagang nawarin makanan sama asyiknye ame jajaran aneka gule en masakan Minang nyang dijajain. Kedai Sabhana Jaya termasuk nyang rada gede kiosnye. Di atas meja panjang dijajarin baskom-baskom gede isi rendang daging, gulai itiak, ayam goreng, gulai tambusu, gulai bihir, gulai ikan, ikan goreng. Di bagian atas digantung ikan en ayam bakar nyang masih tertata dalam jepitan kawat.

bubur kampiun courtesy okefoodDOTcom

Hwaduh… nyium aroma wangi gulai plus kuahnye nyang kental menggiurkan bikin bang wiskul tergoda sekaligus bingung! Lha semuanye kelihatan manteb menggiurkan nech?
Di bagian depan tersedia aneka jajanan khas Minang, tapai, lamang, bika, serabi kuah, lapek bugis dan lain-lain. Belon lagi, warna warni cantik en aroma gula merah plus santan juga bikin ‘tergelitik’… ohh.
Akhirnya, dipilih 2 potong gule itiak en sebungkus bubur kampiun buat dibungkus. Waktu ngelewatin warung Uni Upik, eeehh… berhenti lagi. Wah, jajaran makanan Minang nyang ditaruh di atas meja emang kagak jauh beda ame warung sebelonnye. Bang wiskul baru inget si Uni Upik ini emang kesohor gulai itiaknya nyang enak, juga rendang itiak nye. Emang bener dech, tampilan gulai itiak Uni Upik lebih keren, ijonye lebih seger en cabenye kagak begitu halus.
Begitu juga rendang itiaknya lebih hitam pekat en sedikit berminyak. Aroma harum cabe en bawang menyerbu hidung, bener” godaan berat dah!

psr rmdn kramat raya courtesy1 okefoodDOTcom

Target berikut cari bubur kampiun en lamang nyang enak en asyik. Hampir semua penjual makanan, ngejajain lamang nyang masih ditaruh dalam batang bambu. Nah, ini yang bikin bingung. Patokan nyang dipake, lamang harus lembut sampai ke bagian dalam (tengah) nye. Tapi kagak semua penjual mau motong lamangnya sebelum dibeli. Akhirnya ketemu juga penjual lamang menarik perhatian, lamang Ibu Empeng (Alfianty). Lamang berbungkus daun pisang muda dikeluarin dari bambu, masih anget mengepul. Alamaak… baunya wangi banget sech. Pas diiris terlihat lembut en bentuknya kagak terlalu gede.
Jadi dech satu buluh lamang tapai dibeli. Abis itu segera mampir ke penjual bubur kampiun. Sengaja dipilih penjual nyang meracik bubur saat dibeli bukan nyang udah dibungkus supaya dapetin nyang paling segar. Bubur kampiun ini terdiri dari sarikaya, ketan, kolak pisang, bubur candil, bubur sumsum dikasih kuah kolak manis harum semerbak asbak… ahh. Seporsi bubur kampiun harganye Rp 8000,- sampe Rp 10.000,-. Lamang Rp 12.000,- en Rp 17.000,- untuk sepotong itiak cabai hijau.
Tentengan jadi macem” makanan Minang nech!
Okay yeh, bang wiskul ngucapin Selamat Berpuasa!

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: