Day 17 – Tausiyah Ustadz

Jum’at 27 Agustus 2010 hari ke 17 Ramadhan malam. Abis terawehan kagak sengaje ngumpul lagi para ‘pejuang’ RT OO8 Kampung Melayu Besar di kawasan Tebet….deeeuu mentang” abis 17an agustus…pejuang dari mana Cing!
Nyang pertama pulang dari Attahiriyah, bang wiskul, masih pake sarung ame pici nye nyang motif Aceh. Pas doi lewatin pos ronda, ada si mamat lagi manyun maen gitar akustik nyang udeh somplak di bagian buletan entu gitar. Naaa… reunion lagi dah kedua makhluk entu. Kagak berape lama, nongol juga pak yuliansyah pake pici haji pulang dari terawehan juga.
Seperti biasenye orang kangen”an, banyak basa basi, nyang emang basi…eits!… pade bertegur sapa. Obrolan mulai ngalor ngidul wetan kulon dah! Cuplikannye kire” kayak begini:

Bang Wiskul (W): “Mat, pegimane kabar elo, lama kagak keliatan ada obyekan apa lagi elo nech…”
Mamat (M): “Oh ane lagi bantu” Mas Irfan, bang di daerah Bintaro… Biase, ngobyek serabutan nyang ane bisa ajeh Bang”
Pak Yuliansyah (Y): “Iya nih, bang wiskul sendiri kemane aja nih”
W: “wah kalo aye pak, biasa laah, nyangkul ngejar setoran buat lebaran khan…hehehe…”
Y: “oh begitu, bagus tuh, rejeki nyang barokah kalo di bulan puase yah. Ngomong” ini pak polisi lagi pade siaga 1 nech, gara” ada razia senjata api. Pan lagi rame nech, perampokan sadis pake senjata api sampe korbannye tewas.”
M: “ho’oh pak. Mamat juga baca berita en browsing internet, pada serem” sekarang modus operasinye ye. Kampung kite ini kudu diidupin lagi nech siskamling, apelagi jelang lebaran ini, banyak nyang mati akal, ngambil jalan pintas buat ngidupin anak bininye barangkali!”
W: “boleh juga pikiran elo mat, kagak secetek nyang gue sangke!”
M: “mulai deh si abang nech ngejatohin mamat lagi dech”
Y: “wah kamu mat, baru aja seujung kata dari bang wiskul, udah sensi nech. Anak muda harus tahan banting dunk”
W: “bener mat, ape kate pak yul, ente kudu dengerin…hahaha…”
M: “yaah udah dech, mamat diem aje dech mendingan nech…”
Obrolan laen:
Y: “eh elu pade, di bulan romadon ini pan sering banget ustadz” pade ngasih tausiyah. Di tipi”, dari sahur sampe malam, belon lagi yang di masjid” sebelon tarawehan”
W: “iye pak yul, bener tuh, emang kenape pak”
Y: “banyak hikmah nyang kite dapet dari tausiyah ustadz” entu.”
M: “misalnye ape entu, pak yul”
Y: “misalnye beberapa hari yang lalu, saya mendengar tausiyah sebelum terawehan dari ustadz yang juga dosen ITB, dari Bandung. Salah satunya katanya, supaya kita bisa khusuk dalam sholat, dalam sholat itu kita jangan berpikir dan jangan mengingat” sesuatu lagi. Melainkan kita lepas, bebas, ikhlas dalam pikiran kita untuk menghadap Allah SWT. Jauhkan dari keinginan untuk berpikir sesuatu. Jauhkan dari keinginan ingat” sesuatu. Insya Allah sholat kita selalu khusyuk.”
W: “amiin pak yul. Mudah”an ya pak. Trus nyang laen ade lagi pak”
Y: “naaa, ada lagi dari ustadz nyang lain. Ini tentang mencintai pasangan kita. Ini berlaku juga buat si mamat nih nyang masih bujangan, untuk cari pasangan yang bakal dicintai. Treatment kita mencintai pasangan kita, jangan hanya melihat keunggulan” dari pasangan kita, yang memang menjadi daya tarik kenapa kita mencintainya, tapi juga berupaya membuat matching kekurangan” pasangan kita. Niscaya cinta kita kagak luntur ame pasangan kita noch. Pegimane bang wiskul”
W: “hmmm, bener juga yeh.”

Berhubung malam makin larut, supaya sahur kagak belingsatan telat, para ‘pejuang’ ini sepakat mengakhiri obrolan ini. Harapannye mah, besok” bisa ngumpul” lagi buat saling tuker”an info sambil bersilaturahmi. Amiin.

1 Response so far »

  1. 1

    To succeed in politics, it is often necessary to rise above your principles.


Comment RSS

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: