Kuliner Betawi (3)

Kuliner Betawi entu bukan cuman nasi uduk en nasi ulam doang. Emang sih nyang gampang en nge-trend sepanjang taon di Jakarta, cuman entu. Tapi ada juga nyang namanye masakan Sayur Gabus Pucung. Ini termasuk masakan Betawi nyang sarat ame historis Betawi en rasanye lezat menggoda, trus khas banget lagi.

courtesy bisnis-jabarDOTcom

Kuliner ini gampang ditemuin di daerah Bekasi – Jabar, nyang notabene tadinye “pinggiran” kota Jakarta dah. Bahkan ada forum persatuan ibu2 disono nyang punya inisiatif bikin hak paten buat kuliner Sayur Gabus Ikan Pucung entu. Dipatenkan sebagai masakan khas Bekasi. Mau didaftarin ke Direktorat Jendral Hak Kekayaan Intelektual, segala.
Makanan ini jadi resep tradisi buat orang Betawi nyang cara nyajiinnye rada mirip ame kuah rawon. Entu mah, kuliner khas Jawa Timur. Sayur ini emang sekarang udeh suseh ditemuin di wilayah perkotaan kayak di DKI Jakarta. Dari jadul ampe sekarang, makanan entu adanye di wilayah Bekasi sebab banyak masyarakat Betawi nyang hijrah dari Jakarta ke Bekasi.
Sayur Gabus Ikan Pucung nyang bisa disingkat jadi Gabus pucung entu emang makanan tradisional Betawi banget dah. Gabus pucung muncul sejak sebelon Betawi jadi kota modern Jakarta sekarang. Bahan dasarnye entu ikan gabus. Trus pucung entu artinye kluwek. Kuah gabus pucung didominasi banget ame kluwek, rase ame warnanye. Emang sih, buah pucung jadi andalan menu nyang satu ini. Kluwek atawa buah pucung entu jadi bumbu utamanye.
Sayur ini banyak diperjualbelikan di daerah Bekasi. Sebab di wilayah Bekasi masih banyak rawa2 nyang jadi habitat ikan gabus. Ikan gabus sekarang suseh banget nyarinye di pasar tradisonal atawa supermarket.
Bedanye banget ame sayur rawon, di bahan pokoknye. Kalau rawon pake daging, sayur gabus pucung pake ikan gabus. Proses ngebuat sayurnye juga gampang en sederhana. Ikan gabus nyang udeh dipotong dilumurin ame bumbu, trus digoreng dah. Kuah diramu terpisah. Bahan2 bumbunye, kayak daun salam, lengkuas, daun jeruk, tomat, ditumis sampe wangi.
Bumbu laen nyang digunain, kayak bawang putih, bawang merah, en kemiri diolah jadi bumbu putih. Jangan lupa pucung ame asem Jawa nye. Kalo doyan rasa pedes, ente bisa tambahin cabe sesuai selera dah. Kalo udeh siap, ikan gabus nyang udeh digoreng dimasukin ke dalam kuah entu trus diaduk rata sampe warnanye rada item.

courtesy kocolanDOTblogspotDOTcom

Untuk bikin kuah, semua bumbu diblender en dikasih sedikit jahe. Tumis trus masukin kluweknye. Kalo udeh mendidih, masukin ikan, kasih asem Jawa. Biarin ampe mengental di atas suhu api nyang kecil2 ajeh.
Kalo ente doyan, bisa juga ikan gabus mentah langsung dimasukin ke tumisan kuah bumbu putih. Biar kata mentah bau amisnye ilang tuh…didalem kuahnye. Sebab kuahnye pake jahe, jadi bau amis ikan gabus kagak bakalan kerasa didalem kuahnye. Aroma amis ikan gabus ilang atawa kalah ame tajemnye aroma jahe.
Sayur gabus pucung biasanye disantep di acara2 keluarga nyang penting ajeh. Di kalangan orang Betawi, ada nyang namanye tradisi nyorong. Nyang cuman adanye kalo menjelang puasa atawa takbiran Lebaran.

Sumber:
http://www.okefood.com
http://www.bisnis-jabar.com

2 Tanggapan so far »

  1. 1

    vinda said,

    Hai Blogger, tulisan blog kulinernya informatif sekali:) Ikutan yuk di lomba blog ‘Jelajah Kuliner Unik Nusantara’ #KulinerDaihatsu

    Hadiahnya menarik lho! perjalanan wisata ke 5 kota gratis bersama Daihatsu. Ingin tahu informasi lengkapnya? lihat di sini http://bit.ly/jelajahkuliner

  2. 2

    bang yos said,

    Bang, aye month buka rmh mkn msakan betawi di sidoarjo. Bisa bantuin saran menu2 ape aje yee. Nyang kire2 sesuai selera orang jawa timur. Trims.


Comment RSS

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: