Kuliner di Bandung – Karnivor (1)

Kali ini penjelajahan kuliner malem di Bandung. Nyang mau ditinjau pertama buat kuliner di Bandung nech, rumah makan nyang namanye Karnivor. Secara baru Jumat kemaren tanggal 28 September 2012 peninjauan dijalanin. Entu resto punye tag line atawa semacem jargon “let’s meet our meat,” trus doi punya interior dibikin kayak “antique western country style.” Yaaa…rada-rada underground dahhhh!!!

menu Karnivor

Kalo kite ngeliat daftar menunye nyang tercantum di lembar menu nyang dibuat antik di kertas tebel kayak karton artistik gitu, terbagi 3 bagian: menu monster, menu steak, menu spesial. Nyang menu monster, maksudnye serba big kayak monster gituh….hiiiiii!!, porsi gede dahh, adenye cuman di weekend doang. Menu steak ame menu spesial, kayaknye nerusin menu historis entu resto nyang sebelonnye punya menu makanan khas Lebanon.
Menu sebangse steak (dari mix grill, ribs jumbo, t-rex bone,

TENDERLOIN STEAK

tenderloin, sirloin, chicken cordon bleu, amazon burg, dst), nasgor iga sapi,

SOP BUNTUT

sop buntut, bisa nyang bakar atawa kagak,

SOP BUNTUT BAKAR

iga bakar sapi, chicken wings, kebab libanon, kofta moroccan, dst. Buat steak, sausnye ada pilihan: karnivor, mushroom, blackpepper, arabiata (pedes). Ada istilah kondimen (semacem pendamping steak): kentang keriting BBQ, mashed potato, coleslaw.

NASGOR IGA SAPI

Cerita rasa sop buntut biasa ame sop buntut bakar, waaaah…ini nyang manteb! Perbedaan nyang prinsipil terletak di posisi si daging buntutnye entu. Kalo sop buntut biasa, daging buntutnye dicampur dalem sop nye. Kalo nyang bakar, daging buntut bakarnye dipisah tersendiri ame sopnye. Kalo soal “taste” si sop nye, wuaahhh…se yummy2 nye dah, kaldu kerasa, potongan kentang ame wortel rapi didalem kaldu sop ame sayur mayur nyang kalo kite sruput, kerasa banget dah khas nye Karnivor. Sippppp! Naaah, kalo daging buntut nyang di dalem sop, rasenye jadi menyatu kinyis2 enaknye daging buntut kecampur ame kaldu nyang meresep ke daging buntutnye, wuuuiiihhhhh….suegerrrr.  Kalo buntut bakarnye, cenderung kayak daging date berbumbu yang manteb rasenye akibat resapan bumbu2 waktu dibakar, unik en nikmat lhohhh.

Jadi biar kata ala-ala Lebanon, tapi masuk ke segmen anak muda atawa remaja gitu selera menunye. Bangunannye juga begitu, eksterior ame interior, awalnye mau nuansa hutan tropis kota. Kalo masup ke dalem entu Karnivor, kite bisa liat foto desain ame interior bangunan ini sebelon2nye. Jadi resto nyang di Jalan Riau 127 Bandung ini, nyang lokasinye diseberang resto 90 Gourmet en deket ame Bober Cafe, masih atu manajemen ame restoran Black Market nyang diujung Jalan Riau pas disebelah distro entu.

DESK MINI POSTER


(BERSAMBUNG)

1 Response so far »

  1. 1

    jubaer said,

    Naaaa….karnivor bisa sebagai alternatif di bdg nech bang…


Comment RSS

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: