Posts tagged bang

Bedah Kopi: Fresco Kopi Krim Susu Kapal Api sachet

Sebelon ngebedah ini kupi susu sachet, kite coba diiringin ame musik JAZZ dari http://www.jazzradio.com/smoothuptempo nyang pade saat ini lagi muterin lagunye JAZZer amrik Peter White, gitaris akustik JAZZ, berjudul Long Ride Home dari album doi “Caravan Of Dreams” produksi taon 1996.

sachet

Sambil musik JAZZ instruments mengalun, naaah Baca entri selengkapnya »

Comments (4) »

Bedah Kopi: Ginseng Coffee CNI sachet


Baruuuuu ajeh Bang Wiskul markir bajaj nye….  Eeeiiitttss….  Sebenernye sech…  Bukan markir dalem arti nyang sebenernye…  Tapi minggirin bajaj nye di pinggiran gang depan rumah kontrakannye doi di bilangan Kampung Melayu Besar, Tebet. Di daerah belakangnye At-Tahiriyah. Maksud ati mau ngaso dulu barang sebentaran….  Maklum, cuace Jakarte rada-rada panas terik begini. Biar kate udeh mulai sore menjelang maghrib begini nih, sinarnye bisa bikin gosong juga dah.

Sekonyong-konyong ajeh, Mpok Ningsih, bininye Bang Wiskul keluar dari pintu depan nyamperin doi. Sambil nenteng-nenteng bungkusan berwarne emas mengkilap. Doi melongo ajeh merhatiin bokinnye nyang ngedatengin doi sambil mikir dalem hati…  Ada apaan nech, bini gue si Ningsih terbirit-birit begini nech. Ternyate, Mpok Ningsih tersayang…  Pengen ngeliatin lakinye tercinte bahwa doi barusan dari supermarket di jalan Bukit Duri Tanjakan deket rumahnye. Ngebeliin Bang Wiskul kedoyanannye buat ngaso di rumah. Apelagi kedoyanan Bang Wiskul, kalo bukan kupi….  Buat nemenin makan ruti dah…  Hehehe.

Kali ini bukan kupi sembarang kupi…Choi! Namenye: Ginseng Coffee. Mpok Ningsih pengen nyenengin lakinye nyang doyan banget ngupi. Biar ade variasi, doi beliin kopi nyang sachet-an. Produknye juga bukan nyang sembarangan nih, Cing. Dari produk CNI.
Bukan maen senengnye Bang Wiskul Baca entri selengkapnya »

Comments (7) »

Soto Ayam Jalan Ambengan 3A Surabaya

pak sadi asli

Emang dasar nasib Bang Wiskul lagi baek. Kesampean juga cita2nye nyobain Soto Ambengan nyang asli di Jalan Ambengan No. 3A Surabaya. Secara di Jakarta, soto entu nyang pake tambahan merek “pak sadi asli”, buka cabang ato franchise dimane2. Ade nyang di Jalan Wolter Monginsidi kebayoran, di daerah Lapangan Ros Casablanca Tebet, Jalan Cikini Raya depan TIM en tempat2 laennye.
Dalem atu kesempetan, bang wiskul nyampe juga makan malem di jalan ambengan surabaya. Berhubung jalan ambengan entu 2 arah terpisah, bang wiskul dari hotel tunjungan ngelewatin jalan tikus ke daerah belakang soto ambengan pak sadi entu, ngelewatin jalan Jaksa Agung Suprapto, trus ketemu perempatan ame Jalan Ambengan. Ampir ajeh bang wiskul nyasar atawa salah masup kamar eh…. salah depot Baca entri selengkapnya »

Comments (3) »

H-6 Idul Fitri 2010 – Pusat Belanja Membludak

Malming ini bang wiskul ngider” nganterin customer ada orderan narik bajaj nye disekitaran Jatinegara, Tebet ame Manggarai. Secara hari Sabtu malam ini tanggal 4 September 2010 jadi H-6 menjelang Lebaran.
Bener kata Ustadz Ujang Baca entri selengkapnya »

Comments (2) »

H-7 Idul Fitri 2010 – Dodol Betawi Depok

Bang Wiskul lagi keingetan ame dodol betawi, entu tuh, kuliner nyang waktu bang wiskul kecil jadi penganan nyang muncul cuman pade event tertentu doang. Misalnye waktu lebaran, ato kalo ade nyang nyunatin, dan laen”. Kebetulan ingetan ini muncul abis Bang Wiskul maen” ke kawasan Depok. Untung ajeh orang Betawi nyang dipinggiran Jakarta, tepatnye di Depok masih kagak lupa ame doi punya adat istiadat nyang udeh dilakonin turun temurun. Tradisi entu dibidang kuliner nyang dimane” sebenernye juga ada, yaitu dodol betawi, nyang salah satunye biase disiapin nyambut Hari Raye Baca entri selengkapnya »

Comments (4) »

Day 18 – Pra Sahur

Dinihari ini Bang Wiskul bangun kecepetan buat sahur. Secara anak bininye masih pade tidur. Hari ini Sabtu 28 Agustus 2010 pra subuh. Bang wiskul keluar rumah, ke pinggiran gang dimuke rumah doi. Suasane masih sepi. Barusan ajeh Masjid Attahiriyah ngeluarin pengumuman waktunye bangun bagi nyang mau sahur Baca entri selengkapnya »

Comments (10) »

Day 17 – Tausiyah Ustadz

Jum’at 27 Agustus 2010 hari ke 17 Ramadhan malam. Abis terawehan kagak sengaje ngumpul lagi para ‘pejuang’ RT OO8 Kampung Melayu Besar di kawasan Tebet….deeeuu mentang” abis 17an agustus…pejuang dari mana Cing!
Nyang pertama pulang dari Attahiriyah, bang wiskul, masih pake sarung ame pici nye nyang motif Aceh. Pas doi lewatin pos ronda, ada si mamat lagi manyun maen gitar akustik nyang udeh somplak di bagian buletan entu gitar. Naaa… reunion lagi dah kedua makhluk entu. Kagak berape lama Baca entri selengkapnya »

Comments (1) »

Pasar Romadhon Jl. Soka Rawa Badak Koja

Bang Wiskul abis nganter penumpang bajaj nye sampe ke daerah Tanjung Priok. Secara penumpangnye turun, bang wiskul ngider” sampe Rawa Badak di daerah Koja. Doi pengen banget ngeliat aktifitas pasar romadhon di daerah sono.
Selama bulan ramadhan emang di Jakarta biasa deh tuh menjamur pusat jajanan ringan buat buka puasa. Buat orang nyari takjil. Takjil di Pasar Romadhon. Contohnye ajeh di daerah Koja Jakarta sebelah Utara nech Baca entri selengkapnya »

Comments (1) »

Pasar Romadhon Benhil (2)

Kali ini bang wiskul melakukan titian muhibah nyang ke 2 ke pasar romadhon benhil. Sambil menuju pasar Bendungan Hilir di kawasan Sudirman, bang wiskul coba kontak konco”nye buat ngubek bareng pasar romadhon.

courtesy titopoenyacritaDOTblogspotDOTcom

Sayang seribu sayang… duileh tuh tata bahasa!! Temen”nye pade sibuk narik ngejar setoran bulan puase… hehehe Baca entri selengkapnya »

Comments (1) »

Pasar Romadhon Benhil (1)

Kali ini si abang ‘ganteng’ wiskul hunting pasar romadhon di pasar bendungan hilir atawa biase disingkat benhil. Berlokasi di depan Pasar Bendungan Hilir, Jakarta Pusat. Langsung aja yee, menu andalan di pasar ramadhan ini terdiri dari macem” masakan en makanan. Kalau di prosentase, emang 70% masakan minang ajah tuh.

courtesy2 arsipberitaDOTcom

Masakan minang itu ada Masakan Padang Bopet Mini, Masakan Padang Lubuk Arai, Lamang Tapai Uni Upik, Ketupat Ketan dan Kue Padang Uni Ema, Masakan Padang Sinar Surya, Masakan Padang Ajo, Ikan dan Cumi Bakar ala Baca entri selengkapnya »

Comments (1) »

Day 6 – Pasar Romadhon Jl. Kramat Raya

Senin, 16 Agustus 2010 berarti udeh romadhon hari ke 6 nech. Abang kita nyang ganteng…. deeeuuu… siape lagi kalo bukan Bang Wiskul… ehm!? Doi barusan markir bajajnye ditengah hiruk pikuk hilir mudik ngetan ngulon… hwaduhlah..!! di daerah stasiun gambir. Bulan puase orang” rame silih berganti ada nyang berangkat ada nyang datang di stasiun tengah kota ini.

psr rmdn kramat raya courtesy make-smartDOTblogspotDOTcom

Tapi nyang jadi perhatian bang wiskul sebenernye pojok” kota nyang jadi pasar kaget buat jualan takjil buka puase. Khususnye di daerah pinggir jalan kramat raya nyang Baca entri selengkapnya »

Leave a comment »

Pasar Ramadhan 2010

Hari Sabtu ini tanggal 14 Agustus 2010 sore menjelang berbuka di daerah Pasar Senen… tepatnye deket stasiun senen. Berarti sekarang udeh hari ke 4 romadhon 2010. Bang Wiskul abis nganter tamunye nyang minta dianter bajajnye ke stasiun senen. Katenye entu penumpang, doi mau ziarah (jelang) ramadhan walau telat ke jawa, tepanye ke brebes jawa tengah.
Ngomong” daerah Senen, bang wiskul jadi ingat pasar subuh senen nyang ngejual segala macem kue dari menu tradisional sampe nyang kue rada modern dengan model jajan pasar dari seluruh nusantara. Apelagi kalo kite ngeliat di bulan ramadhan ini banyak pasar ‘kaget’ nyang ngejual makanan buat buka puasa, dari kue sampe makanan ‘berat’, nyang digelar di banyak tempat di seantero jakarta.
Kalo di pasar subuh senen, ada kue ma’subah dari palembang, ada babongko dari kaltim, bolu pecak dari makassar, ikan papeda dari ambon (nyang ini sech… bukan kue, atuh! Baca entri selengkapnya »

Leave a comment »

Farah Quinn Belum Buat Resep Ketoprak Betawi

Farah Quinn (courtessy VivaNews.Com)


Sabtu malam 13 Februari 2010, Bang Wiskul baru pulang dari kerja. Didepan rumahnye, Bang Wiskul ngedenger suara2 cekikikan cewek. Iseng-iseng doi jelalatan ngeliat suasana disekitar gang rumahnye nyang sepi tapi nyari sumber cekikikan entu. Maklum, malam minggu entu pan malam tahun baru sin chia atawa imlek. Tahun baruan warga Cina. Tapi disekitar gang RT-008 ini sedikit warga tionghoa nye. Sekilas Bang Wiskul ngeliat di rumah Pak RT Sutejo ada 3 cewek. Selidik punya selidik, Baca entri selengkapnya »

Comments (7) »

Itik Panggang Tanpa Tulang di Banjarmasin dan Farah Quinn

Siang entu baru ajeh selesai rintik-rintik hujan di daerah Benhil ‘Bendungan Hilir.’ Bang Wiskul ada kesempatan nonton tv di salah satu apotik di Benhil. Acaranye kagak laen tentang kuliner. Di Trans TV lagi ditayangin acara wisata kuliner seabis berita siang. Reporter cewek nyang jadi presenter bilang kalo doi lagi berwisata di Banjarmasin ibukota Kalimantan Selatan.

itik panggang alabio kalsel

Salah satu nyang diceritain pengalaman nyobain menu Itik Panggang “alabiu” Tanpa Tulang di salah satu rumah makan top di Banjarmasin. Baca entri selengkapnya »

Comments (6) »

Kuliner Blok-S, Ade Namnung dan Farah Quinn

courtesy Vivanews.Com

Pade suatu hari, Bang Wiskul memarkir bajajnye di sekitar lapangan bola Blok S. Kagak terase bertaon-taon niy lapangan bola suasananye udeh berubah wujud. Lapangan bolanye tetep sejak taon 70 an. Jenis kuliner nyang nangkring di sekitarnye nyang berubah-ubah wujud. Secara tahun 70 an bisa jadi Neng Farah Quinn belon lahir atawa masih “piyek” ngkali… entu tuh, nyang jadi trend kuliner di tv sekarang ini, chef masakan nyang suka bilang “hmmmm…it’s so yummmyyy!!”… sekaligus digandrungi para pejantan gara-gara ini cewek botoh banget, seksi, moleg, singset, masih muda, jago masak, ramah en baik hati… **wah…wah mulai lebay lagi nech**

es podeng blok-s

Baca entri selengkapnya »

Comments (1) »

Bakso, Mie Ayam Putra Solo Mas Heru

Judul nyang sama entu nyang nongol di spanduk pas di depan rumah makan bakso solo tadi. Buat ukuran sekota kecil entu, mah… kagak ade tandingannye dari rase gurih ame ngepas bumbunye. Baek kuah baksonye atawa kuah bakminye nyang dicampur kuah kentel daging ayam kecoklat-coklatan.. hmmm… yummy dahhh…
Ceritenye pade kunjungan ane nyang pertama di tahun 2010 ini, ternyate nyang punye usahe ini nge-renovasi bagian dalem ruangannye ame bagian luar gedungnye. Baca entri selengkapnya »

Comments (3) »