Posts tagged kuliner

Bedah Kopi: Fresco Kopi Krim Susu Kapal Api sachet

Sebelon ngebedah ini kupi susu sachet, kite coba diiringin ame musik JAZZ dari http://www.jazzradio.com/smoothuptempo nyang pade saat ini lagi muterin lagunye JAZZer amrik Peter White, gitaris akustik JAZZ, berjudul Long Ride Home dari album doi “Caravan Of Dreams” produksi taon 1996.

sachet

Sambil musik JAZZ instruments mengalun, naaah Baca entri selengkapnya »

Comments (4) »

Kuliner di Bandung – Karnivor (2) Tamat

Ini cerite lanjutan dari serial nyang ke 1. Kali ini penjelajahan kuliner malem di Bandung. Nyang mau ditinjau pertama buat kuliner di Bandung nech, rumah makan nyang namanye Karnivor. Secara baru Jumat kemaren tanggal 28 September 2012 peninjauan dijalanin. Entu resto punye tag line atawa semacem jargon “let’s meet our meat,” trus doi punya interior dibikin kayak “antique western country style.” Yaaa…rada-rada underground dahhhh!!!

DESK MINI POSTER

Kembali ke foto-foto desain sebelonnye, suasananye dibikin remang-remang kayak suasana hutan tropis nyang cuman ada lampu-lampu petromak ame obor di tiap sudut tapi mancarin cahaya nyang rada teduh ame romantis deh.
Area makannye dibagi outdoor dan indoor. Nyang outdoor, disudut2nye ada bangku-bangku ame meja dari kayu dolken Baca entri selengkapnya »

Comments (1) »

Kuliner di Bandung – Karnivor (1)

Kali ini penjelajahan kuliner malem di Bandung. Nyang mau ditinjau pertama buat kuliner di Bandung nech, rumah makan nyang namanye Karnivor. Secara baru Jumat kemaren tanggal 28 September 2012 peninjauan dijalanin. Entu resto punye tag line atawa semacem jargon “let’s meet our meat,” trus doi punya interior dibikin kayak “antique western country style.” Yaaa…rada-rada underground dahhhh!!!

menu Karnivor

Kalo kite ngeliat daftar menunye nyang tercantum di lembar menu nyang dibuat antik di kertas tebel kayak karton artistik gitu, terbagi 3 bagian: menu monster, menu steak, menu spesial. Nyang menu monster, maksudnye serba big kayak monster gituh….hiiiiii!! Baca entri selengkapnya »

Comments (1) »

Kuliner Betawi (3)

Kuliner Betawi entu bukan cuman nasi uduk en nasi ulam doang. Emang sih nyang gampang en nge-trend sepanjang taon di Jakarta, cuman entu. Tapi ada juga nyang namanye masakan Sayur Gabus Pucung. Ini termasuk masakan Betawi nyang sarat ame historis Betawi en rasanye lezat menggoda, trus khas banget lagi.

courtesy bisnis-jabarDOTcom

Kuliner ini gampang ditemuin di daerah Bekasi – Jabar, nyang notabene tadinye “pinggiran” kota Jakarta dah. Bahkan ada forum persatuan ibu2 disono nyang punya inisiatif bikin hak paten buat kuliner Sayur Gabus Ikan Pucung entu. Dipatenkan sebagai masakan khas Bekasi. Mau didaftarin ke Direktorat Jendral Hak Kekayaan Intelektual, segala Baca entri selengkapnya »

Comments (2) »

Kuliner Betawi (2)

Cerite kuliner dari Betawi, kagak bisa dipisahin ame keberadaan Jakarta Fair nyang sekarang namenye jadi PRJ. Apelagi kalo kite ngedatengin PRJ 2012 nyang di bulan Juni – Juli 2012 tempo ari.
Sebetulnya belon mulai langka sih, tapinye udeh mulai rada berserakan tempat ngejual entu kuliner Betawi kalo di Jakarta. Naaahh di PRJ entu deh bisa kesempetan icip-icip kuliner Betawi dalam satu wilayah, gituh.

courtesy aafahmiDOTmultiplyDOTcom

Berbagai stand nyang spesial ngadain kuliner khas Betawi di PRJ banyak banget. Pan PRJ dalem rangka HUT DKI Jakarta juga. Cocok dahhh Baca entri selengkapnya »

Comments (2) »

Kuliner Betawi (1)

Kuliner Betawi entu gabungan dari masuknye orang Arab, Cina en Belande jaman dulu entu ke Batavia. Ibarat kata, Jakarta entu jadi kayak penampungan gituh dahh. Kalo ada pendatang kepengen masuk Indonesia, nyang pertama didatengin entu pastinye yaa Jakarta.

courtesy masakokeDOTblogspotDOTcom

Kayak soto mie ame lumpia nyang khas dari negeri China asalnye. Nasi kebuli nyang rempah2an nempel ame masakan Arab. Cuman sedikit nyang kepengaruh dari budaya asing di kuliner Betawi. Emang sih, kalo dibandingin ame daerah laen di Jawa, kuliner Betawi kagak Baca entri selengkapnya »

Comments (1) »

Bedah Kopi: Ginseng Coffee CNI sachet


Baruuuuu ajeh Bang Wiskul markir bajaj nye….  Eeeiiitttss….  Sebenernye sech…  Bukan markir dalem arti nyang sebenernye…  Tapi minggirin bajaj nye di pinggiran gang depan rumah kontrakannye doi di bilangan Kampung Melayu Besar, Tebet. Di daerah belakangnye At-Tahiriyah. Maksud ati mau ngaso dulu barang sebentaran….  Maklum, cuace Jakarte rada-rada panas terik begini. Biar kate udeh mulai sore menjelang maghrib begini nih, sinarnye bisa bikin gosong juga dah.

Sekonyong-konyong ajeh, Mpok Ningsih, bininye Bang Wiskul keluar dari pintu depan nyamperin doi. Sambil nenteng-nenteng bungkusan berwarne emas mengkilap. Doi melongo ajeh merhatiin bokinnye nyang ngedatengin doi sambil mikir dalem hati…  Ada apaan nech, bini gue si Ningsih terbirit-birit begini nech. Ternyate, Mpok Ningsih tersayang…  Pengen ngeliatin lakinye tercinte bahwa doi barusan dari supermarket di jalan Bukit Duri Tanjakan deket rumahnye. Ngebeliin Bang Wiskul kedoyanannye buat ngaso di rumah. Apelagi kedoyanan Bang Wiskul, kalo bukan kupi….  Buat nemenin makan ruti dah…  Hehehe.

Kali ini bukan kupi sembarang kupi…Choi! Namenye: Ginseng Coffee. Mpok Ningsih pengen nyenengin lakinye nyang doyan banget ngupi. Biar ade variasi, doi beliin kopi nyang sachet-an. Produknye juga bukan nyang sembarangan nih, Cing. Dari produk CNI.
Bukan maen senengnye Bang Wiskul Baca entri selengkapnya »

Comments (7) »

Maaf Lahir dan Batin Idul Fitri 1432 H – Thn 2011


Mohon maaf lahir dan batin.
Taqoballallahu minna wa minkum.
Minal aidin wal faizin.
Selamat Idul Fitri 1432 H – Tahun 2011

Leave a comment »

Bedah Kuliner: 1A Crispy Puffs

Kali ini Bang Wiskul berkesempatan mencicipi kuliner sebangse roti prancis atawa croisant. Type croisant nye nyang ada isinye. Isi macem-macem. Dari isi bumbu kareh ayam sampe isi adonan rasa duren! Namanye 1A Crispy Puffs.
Semua makanan ini dibuat crispy semua, alias berasa garing goreng gitu deh. Bentuknye dibikin model kue pastel gitu. Kalo mau liat penampakannye kayak begini


Ternyata, kue jenis puff nyang ditemuin pertama kalinye dari resep orang Singapura ini Baca entri selengkapnya »

Comments (4) »

H-6 Idul Fitri 2010 – Pusat Belanja Membludak

Malming ini bang wiskul ngider” nganterin customer ada orderan narik bajaj nye disekitaran Jatinegara, Tebet ame Manggarai. Secara hari Sabtu malam ini tanggal 4 September 2010 jadi H-6 menjelang Lebaran.
Bener kata Ustadz Ujang Baca entri selengkapnya »

Comments (2) »

H-7 Idul Fitri 2010 – Dodol Betawi Depok

Bang Wiskul lagi keingetan ame dodol betawi, entu tuh, kuliner nyang waktu bang wiskul kecil jadi penganan nyang muncul cuman pade event tertentu doang. Misalnye waktu lebaran, ato kalo ade nyang nyunatin, dan laen”. Kebetulan ingetan ini muncul abis Bang Wiskul maen” ke kawasan Depok. Untung ajeh orang Betawi nyang dipinggiran Jakarta, tepatnye di Depok masih kagak lupa ame doi punya adat istiadat nyang udeh dilakonin turun temurun. Tradisi entu dibidang kuliner nyang dimane” sebenernye juga ada, yaitu dodol betawi, nyang salah satunye biase disiapin nyambut Hari Raye Baca entri selengkapnya »

Comments (4) »

Dari Java Jazz Festival 2010, Tina Talisa sampai Piala Dunia 2010

logo tim jerman (courtesy by AFP)

Akhirnya nongol lagi nech, abis Jerman digilas ame Spanyol 1-0 di Semi Final Piala Dunia 2010. Inget-ingetan, terhitung dari persiapan Java Jazz Festival 2010 bulan Maret kemaren, kagak ada kegiatan nulis menulis lagi di blog ini. Sampe tim bola Spanyol nyang akhirnye menjuarai piala dunia.
Emang sejak Java Jazz tempo hari entu, kegiatan Bang Wiskul rada-rada punya eskalasi meningkat dah. Belon lagi doi sempet doyan ame penyiar TV One nyang botoh, montok, molig en pulen tuh, non Tina Talisa. Walaupun sebelonnye doi kesemsem juga ama chef nyang botoh en bohay juga tuh, Farah Quinn. Entu keliatan dari tulisan-tulisan sebelonnye nyang banjir kalimat Farah Quinn.

Tina Talisa (courtesy by TV One)

Baca entri selengkapnya »

Comments (3) »

Farah Quinn Belum Buat Resep Ketoprak Betawi

Farah Quinn (courtessy VivaNews.Com)


Sabtu malam 13 Februari 2010, Bang Wiskul baru pulang dari kerja. Didepan rumahnye, Bang Wiskul ngedenger suara2 cekikikan cewek. Iseng-iseng doi jelalatan ngeliat suasana disekitar gang rumahnye nyang sepi tapi nyari sumber cekikikan entu. Maklum, malam minggu entu pan malam tahun baru sin chia atawa imlek. Tahun baruan warga Cina. Tapi disekitar gang RT-008 ini sedikit warga tionghoa nye. Sekilas Bang Wiskul ngeliat di rumah Pak RT Sutejo ada 3 cewek. Selidik punya selidik, Baca entri selengkapnya »

Comments (7) »

Itik Panggang Tanpa Tulang di Banjarmasin dan Farah Quinn

Siang entu baru ajeh selesai rintik-rintik hujan di daerah Benhil ‘Bendungan Hilir.’ Bang Wiskul ada kesempatan nonton tv di salah satu apotik di Benhil. Acaranye kagak laen tentang kuliner. Di Trans TV lagi ditayangin acara wisata kuliner seabis berita siang. Reporter cewek nyang jadi presenter bilang kalo doi lagi berwisata di Banjarmasin ibukota Kalimantan Selatan.

itik panggang alabio kalsel

Salah satu nyang diceritain pengalaman nyobain menu Itik Panggang “alabiu” Tanpa Tulang di salah satu rumah makan top di Banjarmasin. Baca entri selengkapnya »

Comments (6) »

Kuliner Blok-S, Ade Namnung dan Farah Quinn

courtesy Vivanews.Com

Pade suatu hari, Bang Wiskul memarkir bajajnye di sekitar lapangan bola Blok S. Kagak terase bertaon-taon niy lapangan bola suasananye udeh berubah wujud. Lapangan bolanye tetep sejak taon 70 an. Jenis kuliner nyang nangkring di sekitarnye nyang berubah-ubah wujud. Secara tahun 70 an bisa jadi Neng Farah Quinn belon lahir atawa masih “piyek” ngkali… entu tuh, nyang jadi trend kuliner di tv sekarang ini, chef masakan nyang suka bilang “hmmmm…it’s so yummmyyy!!”… sekaligus digandrungi para pejantan gara-gara ini cewek botoh banget, seksi, moleg, singset, masih muda, jago masak, ramah en baik hati… **wah…wah mulai lebay lagi nech**

es podeng blok-s

Baca entri selengkapnya »

Comments (1) »

Bakso, Mie Ayam Putra Solo Mas Heru

Judul nyang sama entu nyang nongol di spanduk pas di depan rumah makan bakso solo tadi. Buat ukuran sekota kecil entu, mah… kagak ade tandingannye dari rase gurih ame ngepas bumbunye. Baek kuah baksonye atawa kuah bakminye nyang dicampur kuah kentel daging ayam kecoklat-coklatan.. hmmm… yummy dahhh…
Ceritenye pade kunjungan ane nyang pertama di tahun 2010 ini, ternyate nyang punye usahe ini nge-renovasi bagian dalem ruangannye ame bagian luar gedungnye. Baca entri selengkapnya »

Comments (3) »

Bang Wiskul series – Gula Gula Bara Pattiradjawane

Hari sech masih pagi tapi kenape rasenye matahari udeh panas kayak udeh siang di hari Sabtu 5 September 2009 entu, bulan puase masup ke hari 15 atawa pertengahan bulan Romadhon lah.

courtesy uuDOTnetiiDOTnet

Bang Wiskul abis narik bajajnye nganterin emak-emak Baca entri selengkapnya »

Comments (6) »

Bang Wiskul series – Sayur Babanci Bondan Winarno

Seabis lebaran kemaren, Bang Wiskul dikasih file video 3gp buat di hp nye Bang Wiskul dari Daeng Andi Hasan. Isinye video rekaman transtv acara wiskul (wisata kuliner) Bondan Winarno hari Sabtu, 5 September 2009.

sayur babanci courtesy melayuonlineDOTcom

Udeh gitu saking baeknye Andi Hasan, juga ngasih Bang Wiskul Baca entri selengkapnya »

Comments (1) »

Bang Wiskul series – Rapat Kerja PBB ‘Persatuan Bajaj Betawi’ (1)

Hari ini Bang Wiskul rada ogah-ogahan narik bajajnye, ade rasa bete, sedikit jutek lah bawaannye. Bang Wiskul cuman narik bajaj disekitaran rumah kontrakannye di Kampung Melayu, yaa paling jauh sekitaran Tebet lah.
Asal muasalnye abang kite ini lagi capek, gare-garenye kemaren sok belagu jadi ‘panitia’ rapat kerja persatuan bajaj betawi. Udeh gitu di rumah Bang Wiskul kena marah bokinnye, “ngapain juga elu ngurusin rapat2 segale… meningan elu narik bajaj ajeh, dapet rejeki, daripade elu belagu jadi panitia2an segale,” begitu bininye tercinte Bang Wiskul ngomel2 ajeh sepulangnye Bang Wiskul dari rapat PBB..upps.

logo pbb courtesy flagspotDOTnet

Baca entri selengkapnya »

Comments (1) »

Ramadhan 2009 Day 2

Hari ke dua ramadhan, Minggu 23 Agustus 2009, berhubung masih libur en pake hujan lagi, lebih banyak di rumah ajeh. Yang paling aman kalo lagi puasa di rumah pastinya nonton tv. Seperti kemaren juga, acara tv sepanjang hari ini bawaannye acara kuliner melulu.
Misalnye di RCTI jam 12.30 WIB tentang Sate Afrika di Bandung

courtesy4 streetdirectoryDOTcoDOTid

Baca entri selengkapnya »

Leave a comment »

Ramadhan 2009 Day 1

Hari pertama puasa beruntung jatuh hari Sabtu 22 Agustus 2009 dimane sebagian besar umat pade libur.
Acara yg paling aman adalah nonton tv deh. Baca entri selengkapnya »

Leave a comment »

Wiskul Lebaran 2008 dan Tugas LN (7) – The End

Irfansyah, warga en tetangga Bang Wiskul di Kampung Melayu Besar Tebet, nyang gawe di perusahaan developer Tangerang nyeritain pengalaman doi. Ceritenye panjang banget, ini seri ke 7 (terakhir) dari 7 kisah, kire2 kayak gini:

Johor Bahru-Batam-Jakarta, 9 Okt 08, perjalanan tugas.

Matahari Jodoh Batam

06.15 Di kamar hotel new york – johor bahru. Bangun pagi rada kaget merasa kesiangan tapi badan rasanya fresh Baca entri selengkapnya »

Leave a comment »

Wiskul Lebaran 2008 dan Tugas LN (6)

Irfansyah, warga en tetangga Bang Wiskul di Kampung Melayu Besar Tebet, nyang gawe di perusahaan developer Tangerang nyeritain pengalaman doi. Ceritenye panjang banget, ini seri ke 6 dari 7 kisah, kire2 kayak gini:

Singapura-Johor Bahru, 8 Okt 08, perjalanan tugas.

serangoon road spore

Bangun pagi masih suntuk, ngeliat ke jendela luar kamar hotel fragrance pearl jam 5.45 waktu S’pore masih gelap. Gw putuskan jogging dulu supaya fresh en sekalian cuci mata, jalan + lari2 kecil dari Geylang lor 14 ke arah lor 10, secara cewek2 “pager ayu” Baca entri selengkapnya »

Leave a comment »

Wiskul Lebaran 2008 dan Tugas LN (5)

Irfansyah, warga en tetangga Bang Wiskul di Kampung Melayu Besar Tebet, nyang gawe di perusahaan developer Tangerang nyeritain pengalaman doi. Ceritenye panjang banget, ini seri ke 5 dari 7 kisah, kire2 kayak gini:

Batam-Singapura, 7 Okt 08, perjalanan tugas.

poster menu resto mohamed spore

Pagi ini I’m so happy, bangun tidur walau semalam engga lelap-lelap banget, tapi masih disempatkan jogging Bo. Biasa…biar fresh. Routenya keliling nagoya en jodoh dach, sekalian melihat-lihat perkembangan Batam 2 thn ini, disaat jalanan masih sepi dan rada-rada gelap subuh gitu. Baca entri selengkapnya »

Leave a comment »

Wiskul Lebaran 2008 dan Tugas LN (4)

Irfansyah, warga en tetangga Bang Wiskul di Kampung Melayu Besar Tebet, nyang gawe di perusahaan developer Tangerang ceritain pengalaman doi. Secara doi punye rumah baru di Tangerang, cuman berhubung doi masih bujangan jadinye masih sering tinggal ame bokap nyokabnye di bilangan Kampung Melayu Besar yang menjadi tempat tinggal doi sedari kecil. Tetangga banget ame Bang Wiskul. Cerite pengalamannye panjang banget, ini seri ke 4 dari 7 kisah, kire2 kayak gini:

Jakarta-Batam, 6 Okt 08, perjalanan tugas.

bandara batam

Subuh ini bangun tidur dalam keadaan engga fresh. Lagian air kamar mandi gw rada-rada seret mengalirnya. Tapi bisa tepat waktu berangkat menuju airport Cengkareng. Dijalanan menuju airport karena tadi dari rumah belum sempat sarapan, naah… perut nagih di ganjel. Mana diperjalanan banyak toko (roti) yg belum buka, masih suasana idul fitri sech.

Sampai di airport Cengkareng buru-buru nyari resto/kantin Baca entri selengkapnya »

Comments (2) »

Wiskul Lebaran 2008 dan Tugas LN (3)

Irfansyah, warga Kampung Melayu Besar Tebet, nyang gawe di perusahaan developer Tangerang nyeritain pengalaman doi. Secara doi punye rumah baru di Tangerang, cuman berhubung doi masih bujangan jadinye masih sering tinggal ame bokap nyokabnye di bilangan Kampung Melayu Besar yang menjadi tempat tinggal doi sedari kecil di Betawi. Tetangga banget ame Bang Wiskul. Cerite pengalamannye panjang banget, ini seri ke 3 dari 7 kisah, kire2 kayak gini:

pangsit grg gm courtesy bakmigmDOTcom

Jakarta, 5 Okt 08, H-1 perjalanan tugas.
Tadi malam emang bener lhoh, kagak bisa tidur, gelisah aje bawaannye. Cuman berapa jam tidur-tidur ayam, dibangunin Satpam utk Subuhan. Satpam?! La iya dunk, gw nginap di perumahan cluster nyang dijaga satpam 24 jam…a.k.a watchdog gitu.
Abis subuhan asli kagak bisa istirahat lagi, Baca entri selengkapnya »

Leave a comment »

Wiskul Lebaran 2008 dan Tugas LN (2)

Irfansyah, warga en tetangga Bang Wiskul di Kampung Melayu Besar Tebet, nyang gawe di perusahaan developer Tangerang nyeritain pengalaman doi. Secara doi punye rumah baru di Tangerang, cuman berhubung doi masih bujangan jadinye masih sering tinggal ame bokap nyokabnye nyang berasal dari Samarinda Kaltim di bilangan Kampung Melayu Besar yang menjadi tempat tinggal doi sedari kecil di Betawi.

sop udang yongkee batam

Tetangga banget ame Bang Wiskul. Cerite pengalamannye panjang banget, ini seri ke 2 dari 7 kisah, kire2 kayak gini:

Samarinda-Balikpapan-Jakarta, 4 Okt 08, H-2 perjalanan tugas.
Untung aje masih kebangun subuhan en supir taksi Mawar udah calling en menuju ke rumah buat ngejemput secara dia udah janjian semalam.
Sarapan cuman indomie doang supaya ringkes…..lumayan buat ganjel perut en tambah energi. Energi buat perjalanan, termasuk backpacker yang gw siapin semalem Baca entri selengkapnya »

Leave a comment »

Wiskul Lebaran 2008 dan Tugas LN (1)

Irfansyah, warga en tetangga Bang Wiskul di Kampung Melayu Besar Tebet, nyang gawe di perusahaan developer Tangerang nyeritain pengalaman doi. Secara doi punye rumah baru di Tangerang, cuman berhubung doi masih bujangan jadinye masih sering tinggal ame bokap nyokabnye nyang berasal dari Samarinda Kaltim di bilangan Kampung Melayu Besar yang menjadi tempat tinggal doi sedari kecil di Betawi. Tetangga banget ame Bang Wiskul.

Irfansyah

Cerite pengalamannye panjang banget, ini seri ke 1 (pertama) dari 7 kisah, kire2 kayak gini:
Kali ini…perjalanan wisata kuliner dimulai dari Jumat 3 Oktober 2008 di Samarinda (ibu kota) Kaltim, transit di Balikpapan, berlanjut tugas kerja balik ke Jakarta dulu – trus ke Batam – Singapura – Johor Bahru Malaysia, back to Batam into Jakarta Thursday October 9, 2008. Wiskul sepekan lhah yau…

Samarinda – Kaltim, 3 Okt 08, H-3 perjalanan tugas.
Berawal dari keletihan akibat 2 hari kemarin euphoria Lebaran. Ada pegel2 nya juga……deeeeee. Pegel akibat mobilitas tinggi Lebaran ama pegel makan yang super-super. Baca entri selengkapnya »

Comments (3) »

22 Agustus 2008

Too many things to tell day by day of 2008 activities. In a moments of stress condition and it was the periode of storms and stress become more fluctuation, but the time goes flow with pleasure, nicely situation. The good time and bad time rolling down every single day. More inspiration can be catched up, more motivation can be absorbed. So, have a nice days, getting the best all the time.

Duileeeehhh…….kire-kire bahase Betawinye begene neech: Banyak nech nyang mau diceritain sepanjang tahun 2008 enni. Ade saatnye waktu nyang menegangkan, ade juga saat seneng en sedih silih berganti cepet banget dah… Tapi emang waktu berlalu cepet-cepetan, ame kesenengan nyang tersisa, dalam situasi nyang terase asyik en nyaman…gityuuu. Waktu gumbira en waktu sedih bergulir setiap ari.Banyak inspirasi nyang bisa diserap, banyak ilmu motivasi nyang bisa kite pelajari. Jadi, nikmatin ajeh hari-hari kite, berusaha menjadi nyang terbaik sepanjang waktu.

Komentar dimatikan

21 Agustus 2008

Yaa….kite berjumpa lagi neeech. Omong-omong tentang makanan, terkait ame wisata kuliner atawe wiskul, mau kagak mau nyeritain tentang budaya suatu daerah. Nyeritain kebutuhan tubuh kite beradaptasi ame kalori dari makanan entu. Nyeritain tentang adat istiadat setempat nyang berhubungan ame kebiasaan makan. Juga ketersediaan bahan baku nyang ade di daerah tersebut. Kalo di daerah entu banyak padi atawe taneman sawahnye, jadi deeh disitu makanan khas semacem jajanan pasarnye mengandung nasi atawe ketan, lupis, lontong. Kalo daerah entu menjadi sentra produk jagung, jadi deeeh kayak marning (jagung goreng) nyang diaku-aku beberapa daerah di Jawa Timur sebagai makanan khas daerah entu.

Okey deeech…..

Comments (3) »

19 Agustus 2008

Dirgahayu deh Kemerdekaan negare kite RI. Sekali2 kite ngebahas nyang bukan makanan kayak Ketoprak Betawi ye.
Dua hari yang lalu orang2 pade ngerayain HUT RI. Ade nyang upacara resmi. Ade nyang langsung pade ngelomba tradisional. Ade nyang langsung berantem abis upacara anak sekolaan di Bone, Sulawesi.
Gw bingung nech… Aturannye orang2 pade gumbira kemaren. Pan ganda putra kite, Bang Hendra ame Bang Kido, jawara dapet emas di Olimpiade Beijing. Pan Presiden kite SBY dapet cucu pas di hari kemerdekaan kemaren. Pan ade lomba2 peringatan 17an. Udeh gitu, upacara 17an di Istana, entu paskibraka nyang seumuran gw, pade sukses bikin acare jadi lancar…uuuh gw bangga nech…
Tapi, ntar dulu, kemaren gw sekaligus sedih juga. Sediiiih banget! Elo tau kagak…setelah gw mikir2, sebenernye banyak orang Indonesia yang sakit… Sakit dalam tanda petik ye. Kenape?
Coba elo liat disemua berita akhir2 enni. Liat tipi, denger radio, bace koran, surf internet, inbox email kite…pokoke seluuuruhnye dah.
Perhatiin dech. Ampir semua ngeberitain tentang kriminal sadis nyang jadi celebs, narkoba artis, human error kereta api nyang akibatnye 7 nyawa melayang, temen2 gw anak SMA nyang tawuran ame karang taruna abis upacara 17an. Belon lagi, tiap hari ade berita pembunuhan, ade bang ryan, ade bokap nusuk anak kandungnye ampe mati cuman gara2 sepele, udeh gitu mayatnye diiket ke batang pohon…hih! Ade lagi berita orok ditinggal nyokabnye abis dilahirkan. Macem2 dah…laa iya laah…
Jadi nyang gw maksud, orang2 kite pade “sakit” nyang cenderung sadis, kriminal! Kalo gw bilang sech, kesalahan ade di kite semua…iye kallee…
Udeh tau kayak begitu kite belagak sok aman2 ajeh. Belagak ngerayain ame upacara 17an kayak kagak ade ape2. Nah lhooo…ennoooh. Yuk mariiii.

Comments (3) »

14 Agustus 2008

Langsung aje ye. Tadi siang mohon maap, ane lagi-lagi nangkringin tayangan kuliner Trans TV. Kali enni nyang disorot tentang Mie Merah Putih di satu warung di Betawi. Tepatnye di daerah Jl. Kartini. Nyang punya sekaligus nyang jadi juru masaknye orang Cina. Emang sayang juga sih, kagak ade informasi, makanannye halal ape kagak.

Nyang unik, sesuai namenye, mie merah putih… emang diye bilang dalam rangke HUT Kemerdekaan RI juga, ibarat kate bendera merah putih. Mie jadi berwarna merah putih belang gitu. Naaa….nyang enni niii, bagian merah nye emang berwarna merah. Katenye kagak pake pewarna buatan atau bahan laen nyang berbahaye untuk manusia, ibaratnye dijamin aman dah. Diye ngomong begitu karena nyang bikin mie diye sendiri. Setiap ari diye produksi sendiri. Mie punye tekstur lebih gede daripade mie biase en katenye lebih lembut gitu.

Cara ngebuat mie nyang bagian berwarne merah dikasih tau ame si engkoh nyang punye en jadi juru masaknye. Ternyate bahan pe “merah” nye dari buah bit nyang emang berwarne merah tua. Buah bit di blender setelah dicampur garem secukupnye. Udeh gitu, blenderan buah bit tadi dituang ke adonan tepung bahan baku mie. Diulek-ulek dan setelah menyatu warna merah nye ame adonan tepung, dimasukin ke alat pembuat mie dalam bentuk lempengan gitu. Tiap lembar lempengan mie merah dilapis ke atas lembar lempengan mie putih en dimasukin lagi ke alat pembuat mie lempengan tadi. Setelah jadi lempengan campuran warna merah bagian atas mie en putih di bagian bawah mie, terakhir dipotong-potong sebesar mie kering dengan dimensi terserah si engkoh. Taarrraaaa……jadi deh mie warna merah putih. Tinggal dikukus di kuah, jadi dah Bakmi Merah Putih siap disantap en mantap.

Comments (2) »

13 Agustus 2008

Assalamualaikum…. selamat berjumpa. Empat hari lagi udeh hari kemerdekaan kite. Dirgahayu RI ye!

Kali enni ane mau ceritain hasil nonton kite, lagi-lagi tayangan di Trans TV…. nyang entu tuh, tayangan tentang kuliner seudehnye acara berita Jelang Siang. Nyang ngebawain acarenye si botoh nyang cakep nan aduhai, Mbak Susan Bachtiar… kedemenan ane juga sii, Ehem…

Ceritenye culinary about Ikan Pari Panggang/Bakar, yang konon jenisnye ade lebih dari 200 macem. Maksudnye jenis ikan pari nye. Jenis yang dibuat makanan adalah jenis nyang bisa dimakan. Eit, ente tau kan Ikan Pari? Ikan nyang punya sayap gede, kalau diye berenang, sayapnye kayak terbang mengalun gitu. Naa nyang diolah adalah bagian sayapnye, katenye kalo bagian badannye tuh banyak tulang jadi kagak enak kalo diemmut…eh dimakan.

Seudehnye dipotong-potong itu bagian sayap Ikan Pari, dimasukin aer di baskom en dikasih jeruk nipis, biar kagak amis kali. Terus bumbu-bumbu dapur ame wijen di adon en digoreng dulu. Ikan pari dipanggang dilapis ame daun. Lapisan daun tujuannye supaye bisa menampung campuran adonan bumbu dapur nyang udeh digoreng tadi terus dilumurin ke “body” ikan pari nyang lagi di panggang.

Wuaaah….kalo udeh mateng dipanggang disajikan di piring ame daun pelapisnye tadi. kao ngeliat nyang pade nyicipin en makannye…..hhhmmmmmm, numero uno…yuummmmy. Ape lagi si rumah makan entu nambahin sambel buat dicocol ame ikan pari panggang tadi….uuuuuh, siiip banget dah.

Ade juga menu lain dari ikan pari nyang dipotong-potong tadi digoreng en dicampur ame bumbu dapur terus dikombinasi gorengannye……naaah, katenye rasenye sedeeeep, gurih en garing buanget (karena digoreng). Cobain deh.

Comments (2) »

11 Agustus 2008

Eit…kite ketemu lagi dah. Enem hari lagi hari kemerdekaan kite. Jadi inget jase2 pahlawan kite. Jadi inget Si Jampang dah, nyang entu tuh…pahlawan Betawi nyang ngelawan penjajah belande. Merdeka!
Naa..tadi siang ane nonton tipi Trans TV. Selesai berita siang, nyambung tentang kuliner. Presenternye si cantik manis aduhai…yaa ane lupa namenye. Cerita tentang Sate Lembut nyang katenye walaupun makanan khas betawi tapi banyak orang Betokaw kagak tau. Namanye Sate Lembut Hj. Rochmat. Yang punya sech namenye Ibu …ika. Mula2 rempah digoreng. Sereh, kunyit, lengkuas en laos (tanpa Vietnam!) jadi satu digoreng. Daging cincang diadon ame rempah hasil gorengan tadi. Trus, diteplokin di lidi tusuk sate en dibakar kayak sate biasa. Rasenye… uuuh…yummmyy.

Comments (2) »

9 Agustus 2008

Assalamualaikum….siang enni ane baru bisa deh nulis blog lagi. Udeh 8 hari kagak sempet-sempet. Oia…pagi tadi ane ngeliat acara Gula-Gula di Trans TV, nyang negbawain Om Bara Pattirajawane. Boleh juga nih Om. Tayangan tadi pagi pas ulang taun acare Gula2 nyang ke 3. Selamet ye Om ame crew Trans TV. Ade juga tayanngan “behind the scene” nyang katenye buatan si Om Bara.

Sayang ane kagak ngeliat sepenuhnye detil, soalnye anak kite nyang perempuan minta dianter ke sekolahnye, ada test buat olimpiade matematika…..gile cing! barengan ame olimpiade Beijing nih…..

Ane sempet ngeliat si Om Bara ngasih tau menu yang dimixer agak encer jadi warna coklat…yuummmyyy sih……terus katenye dimasukin ke kulkas lebih dingin lebih baek….sekitar 6 sampe 8 jam. Barangkali dimiripin ame ice cream kali ye.

Nyang ane suka dari Om Bara, diye nyantai aje ngebawain acaranye, walaupun kali ini diye pake baju batik tangan pendek, mungkun karena ultah Gula2 jadi diye rada resmi dikit. Kalo ngeliat diye nyampur resep-resepnye kayak asal-asalan termasuk diye ngejelasin takerannye. Tapi hasilnye Cing, yahuuud dah, numero uno.

Sayang lagi, ane kagak ngeliat waktu nyicipin menu yang diye bikin. Kalo biasa2nye diye juga asyik ngebawainnye. Kayak ber “kelas” gitu. Kalo Om Bondan ngebawainnye pake gaya tersendiri…”unique” abis, Om Bara lain lagi…style…..ape ye….Ambon Belande gitu. Siip deh.

Okey ye, ane mau jemput anak lagi nih di sekolaannye. Kite janji buat nerusin ini blog lagi deh. Wassalam.

Leave a comment »